ABŞ təmsilçisi "İnter Mayami"nin argentinalı hücumçusu Lionel Messi futbolçu karyerasının sonunadək Avropa klublarına qayıtmayacaq.

Adalet.az xəbər verir ki, 37 yaşlı futbolçu bu barədə çıxış etdiyi klubun mətbuat xidmətinə açıqlamasında bildirib.

"Barselona"ya qayıtmaq, həmişə olmaq istədiyim yerdə oynamaq imkanı əldə etmək istəyirdim. Amma bu, yenə mümkün olmadı. Sonra ailə olaraq qərar verdik. Dünya çempionatının qalibi olmağımızın da böyük təsiri oldu. Mənə aydın idi ki, Avropada başqa komandada oynamaq istəmirəm", - deyə Messi vurğulayıb.

Qeyd edək ki, Lionel Messi bu mövsüm "İnter Mayami"nin heyətində keçirdiyi 10 oyunda 8 qol və 3 məhsuldar ötürmə ilə yadda qalıb. O, Avropada "Barselona" və PSJ klublarının formasını geyinib.