MƏMMƏD ARAZ: DÜZ YOL QURTARAN YERDƏ
Qorxuram uzana qədəmlərin
Düz yol qurtaran yerdə.
Uçurumu güllü yaylıq,
İlğımı at biləsən.
Dərəni selələyən
Seli qanad biləsən.
Qorxuram utana qədəmlərin,
Düz yol qurtaran yerdə;
Geriyə qayıtmağa
yol ola, üz olmaya;
Yalanı ha dartasan
Ortası üzülməyə.
Büdrəmək öz əlində.
Dikəlmək çətin peşə!
Andını saxla daha,
Yazıqsan, dilin şişər...
Məmməd Araz
22 oktyabr, 1982