“Məhkəmə - hüquq sistemi”ndə islahatların dərinləşməsi
Bildiyimiz kimi, Azərbaycan Dövlət müstəqilliyini bərpa etdiyi tarixdən bu günə kimi bir çox sahələrdə olduğu kimi, "məhkəmə - hüquq sistemi” sahəsində də inkişaf və yüksək dinamikanın artırılması üçün hələ Ümummilli lider Heydər Əliyevin dövründə onun rəhbərliyi ilə əsaslı islahatların keçirilməsinə dair bir çox tədbirlər və layihələr həyata keçirilmişdir. Bu təsadüfi deyildir. Çünki demokratik inkişaf yolunu tutmuş ölkəmizdə Sovetlər Birliyindən miras qalmış hüquq sistemi ilə insan haqlarının müdafiəsinə yönələn mütərəqqi islahatlar həyata keçirmək mümkün olmazdı.
Bütün dövrlərdə dövlətimiz tərəfindən " məhkəmə-hüquq sistemi”nə xüsusi diqqət göstərilmiş, əsaslı islahatlar üçün ölkə başçısı tərəfindən müvafiq fərmanlar imzalanmışdır.
Belə ki, 2006-cı ildən Azərbaycan Respublikasının Prezidenti İlham Əliyevin məhkəmə sisteminin müasirləşdirilməsi ilə bağlı imzaladığı müvafiq fərman insan haqlarının müdafiəsini və ədalət mühakiməsini həyata keçirən məhkəmə orqanlarının təkmilləşməsinə, yeni məhkəmələrin yaradılmasına, təcrübəli hakimlərin formalaşmasına, vətəndaşlar tərəfindən məhkəməyə müraciət vasitələrinin asanlaşması, müasirləşməsi və s. bu kimi məsələlərə böyük təkamül olmuşdur.
Ölkə başçısının xüsusi diqqəti və göstərişləri nəticəsində ölkəmizin məhkəmə -hüquq sistemi demokratik prinsiplər əsasında yenidən qurulmuş və müasir məhkəmə sistemi yaradılmışdır.
Bütün bunlara baxmayaraq, məhkəmə - hüquq sistemində inkişafın yüksəlməsi, islahatların daha da dərinləşməsi, məhkəməyə müraciətlərin və məhkəmə proseslərinin elektron qaydada aparılması prosesinin daha da müasirləşməsi, məhkəmə və məhkəmədən kənarda şəffaflığın artırılması, vəkillər tərəfindən qeyri-prosessual məsələlərin aradan qaldırılması, ədalət mühakiməsinin keyfiyyətinin yüksəldilməsi, məhkəmə icraatının effektivliyinin yüksəldilməsi, məhkəmə qərarlarının tam və vaxtında icra edilməsi və təmin olunması, süründürməçiliyin və digər neqativ halların aradan qaldırılması, cəza siyasətinin humanistləşdirilməsi və cinayətlərin dekriminallaşdırılması üzrə tədbirlərin davam etdirilməsi, ədalət mühakiməsinin keyfiyyətinin artırılması məqsədi ilə məhkəmə təcrübəsinin öyrənilməsi və ümumiləşdirilməsi sahəsində fəaliyyətin gücləndirilməsi, "Elektron Məhkəmə” İnformasiya Sisteminin tətbiqini daha da gücləndirilməsi üçün "Məhkəmə-hüquq sistemində islahatların dərinləşdirilməsi haqqında” Azərbaycan Respublikasının Prezidenti cənab İlham Əliyev 03 aprel 2019-cu il tarixli Fərman imzalamışdır.
Sözügedən Fərman ölkəmizdə "məhkəmə-hüquq sisteminin” daha da təkmilləşməsi, şəffaflığın artırılması, ədalət mühakiməsini aparan məhkəmələr və digər prosessual şəxslər tərəfindən qeyri prosessual münasibətlərə qadağa yaratmasına və bir çox müsbət hallara təkamül verdi. Ölkə başçısının ölkəmizin davamlı tərəqqisinin təmin edilməsi üçün bütün sahələrdə həyata keçirilən islahatlar kimi "məhkəmə-hüquq sisteminə” də göstərdiyi xüsusi diqqət və ciddiyyətin sübutu kimi sözügedən Fərmanı imzalamış və müvafiq səlahiyyətli şəxslər qarşısında tələblər qoymuşdur.
Sözügedən Fərman və ölkə başçısının göstərişlərinin icrası yalnız məhkəmə sisteminin işçilərinə deyil, həmçinin məhkəmələrdə hüquqların təmsili və müdafiəsi ilə məşğul olan biz vəkillərin üzərinə məsuliyyətli bir vəzifədir. "Məhkəmə-hüquq sistemində” işləyən hər bir hüquqşünas ölkə başçısının 03 aprel 2019-cu il tarixli Fərmanın tələblərini icra etməyi özünə borc bilməli və "məhkəmə-hüquq sistemində” yuxarıda qeyd etdiyim məsələlərin zəruriliyini təmin etməlidir.
Azərbaycan Respublikası Vəkillər Kollegiyasının üzvü,
vəkil Quliyeva Nurlana Nazim qızı
Digər Xəbərlər
03 May 2024 15:55
Məhkəmə Yunis Səfərov və digərləri ilə bağlı qərar verib
03 May 2024 11:11Azərbaycanda işçilərin maaşlarını mənimsəyən vəzifəli şəxslər cinayət məsuliyyətinə cəlb olundular
01 May 2024 17:20Azərbaycanda korrupsiya əməliyyatının TƏFƏRRÜATI - Vəzifəli şəxslər cinayət başında TUTULUBLAR
30 Aprel 2024 14:53Məhkəmə Elnarə Qasımova barədə qərar verib
30 Aprel 2024 12:49