Maşallah Əhmədovun məhkəməsi davam etdirilib
Bu gün Bakı Ağır Cinayətlər Məhkəməsində dələduzluqda təqsirləndirilən keçmiş futbolçu Maşallah Əhmədovun cinayət işi üzrə məhkəmə iclası davam etdirilib.
Adalet.az-ın APA-ya istinadən yaydığı xəbərə görə, hakim Mirzə Xankişiyevin sədrlik etdiyi prosesdə M. Əhmədovun vəkili müdafiə nitqi ilə çıxış edib. O, bildirib ki, M. Əhmədovun dəymiş ziyanı ödəməsi yüngülləşdirici hal kimi nəzərə alınmalıdır.
Son söz demək üçün Maşallah Əhmədova söz verilsə də, o, çıxışa hazır olmadığı üçün məhkəmədən vaxt istəyib.
Proses dekabrın 20-də davam edəcək.
Qeyd edək ki, M. Əhmədov 2015-ci ilin dekabrında saxlanılıb. İttihama görə, bizneslə məşğul olan keçmiş futbolçu Bakıda bir neçə nəfərə 150 min manatdan artıq dəyərdə xaricdən daş plitə gətirəcəyini vəd edib. Lakin o, vədinə əməl etməyib və həmin şəxslərin pulunu qaytarmayıb. M. Əhmədov barəsində həbs qətimkan tədbiri seçilsə də, sonradan bu qərar ev dustaqlığı ilə əvəzlənib.
Prokuror məhkəmədən M. Əhmədovun 9 il müddətinə azadlıqdan məhrum edilməsini istəyib.
Digər Xəbərlər
03 May 2024 11:10
Messi aprel ayının ən yaxşı futbolçusu seçildi
03 May 2024 09:57Maradonanın övladları futbolçunun qalıqlarının köçürülməsini istəyiblər
01 May 2024 15:38Çempionlar Liqasında qaydalar: “Real Madrid” Arda Güleri başqa klublara transfer edə bilməyəcək?
30 Aprel 2024 19:22Azərbaycan millisi Rumıniya ilə üz-üzə
30 Aprel 2024 15:37