02 Oktyabr 2022 19:01
289
İDMAN

"Mançester Siti" "Mançester Yunayted"i məğlub edib

Futbol üzrə İngiltərə Premyer Liqasının IX turunda Mançester derbisi baş tutub.

Adalet.az-ın məlumatına görə, "Mançester Siti" "Mançester Yunayted"i qəbul edib.

"Etihad" stadionundakı qarşılaşma meydan sahiblərinin 6:3 hesablı qələbəsi ilə yekunlaşıb. "Şəhərlilər"in qollarını 8-ci, 44-cü, və 72-ci dəqiqələrdə Fil Foden, 34-cü, 37-ci və 64-cü dəqiqələrdə Erlinq Holann vurub.

Qonaqların qollarına 56-cı dəqiqədə Antoni, 83-cü və 90+1-ci (penalti) dəqiqədə Antoni Marsial imza atıb.

Xallarının sayını 20-yə çatdıran "Mançester Siti" ikinci pillədə qərarlaşıb. "Qırmızı şeytanlar" 12 xalla 6-cı sıradadır.