İngiltərə çempionu "Mançester Siti" gənc futbolçusu ilə yollarını müvəqqəti ayırıb.

Adalet.az klubun rəsmi saytına istinadən xəbər verir ki, "şəhərlilər"in 18 yaşlı yarımmüdafiəçisi Divayn Mukasa mövsümün sonuna qədər "Lester"ə icarəyə verilib.

Qeyd edək ki, Mukasa "Mançester Siti"nin əsas heyətində 2025-ci ilin sentyabrında debüt edib və kubok matçında fərqlənib. O, əsas komandada ümumilikdə 6 oyuna çıxıb və 1 qol vurub.

Xatırladaq ki, yarımmüdafiəçi həmçinin UEFA Gənclər Liqasında 4 oyuna 4 qol, əvəzedici heyətdə isə 9 oyuna 3 qol və 1 məhsuldar ötürmə ilə yadda qalıb.