İsmayıllıda mal ətinin qiyməti bahalaşıb.

Adalet.az xəbər verir ki, son iki gün ərzində rayon üzrə pərakəndə satışda ətin kiloqramı 17 manatdan 18 manata yüksəlib.

Qəssablar bildirirlər ki, qiymət artımı satış həcminə də mənfi təsir göstərib. Alıcılar da bahalaşmanı hiss etdiklərini, bunun gündəlik ərzaq xərclərinə əlavə yük yaratdığını deyirlər.

Satıcıların sözlərinə görə, qiymət dəyişikliyinin əsas səbəbi fərdi təsərrüfatlardan alınan diri iribuynuzlu heyvanların bahalaşmasıdır. Alış qiymətlərinin artması nəticədə mal ətinin pərakəndə satış qiymətinin də yüksəlməsinə səbəb olub.