Kür çayı üzərindəki körpü istifadəyə verilib
Ölkə başçısının müvafiq Sərəncamına əsasən, Yevlax-Malay mənzilinin 253-cü kilometrində Kür çayı üzərində yerləşən metal dəmir yolu körpüsündə rekonstruksiya işləri aparılıb.
"Azərbaycan Dəmir Yolları” Qapalı Səhmdar Cəmiyyətindən Adalet.az-a verilən məlumata görə, körpü əsaslı təmirdən sonra istifadəyə verilib.
Qeyd edək ki, körpü 1927-ci ildə inşa edilib. 5 aşırımdan ibarətdir, ümumi uzunluğu 262, 77 metrdir. Körpünün aşırımlarının əsas elementlərində (eninə və uzununa tirlərində) çatlar, qopmalar, metal lövhələrin korroziyadan yeyilməsi pərçim bərkidicilərində boşalma, aşırımlarda metal yorğunluğu əmələ gəlmiş, bununla da körpünün aşırımlarının çox hissəsində konstruksiya və elementlər dayanıqlılıq qabiliyyətini itirmişdir. Körpünün əsaslı təmiri zamanı aşırımlardan 4-ü yenidən qurulub, metal aşırım korroziyadan təmizlənib və rənglənib. Körpünün yenidən qurulması qatarların hərəkətinin təhlükəsizliyinin təmin olunmasında mühüm rol oynayacaq.
Körpünün sifarişçisi "Azərbaycan Dəmir Yolları” Qapalı Səhmdar Cəmiyyəti, podratçı təşkilat isə "Körpübinatikinti” MMC-dir.
Digər Xəbərlər
26 Aprel 2024 16:24
Xocalı al lalələrlə bəzənib - FOTOLAR
26 Aprel 2024 13:15Növbəti köç karvanı Füzuliyə çatdı - FOTOLAR - YENİLƏNİB
26 Aprel 2024 12:51Bakıda 32 dərəcə isti olacaq
26 Aprel 2024 10:27Əlilliyi olan şəxslərlə bağlı ayrıca hesabat hazırlansın - TƏKLİF
25 Aprel 2024 18:27