adalet.az header logo
  • Bakı 12°C
  • USD 1.7
27 Fevral 2023 12:32
811
MARAQLI

Keçi can hayındadır, qəssab piy axtarır

Zəlzələnin üçüncü günündə Türkiyə Qızıl Aypara Cəmiyyəti AHBAP-a çadır satıb.

Qızıl Aypara Cəmiyyətinin sədri Kerem Kınıkın sözlərindən belə çıxır ki, Qızıl Ayparanın Çadır və Tekstil adlı bir şirkəti var. AHBAP zəlzələnin üçüncü günü bu şirkətə müraciət edib. Şirkət xaric üçün istehsal etdiyi çadır ehtiyatının 2 min 50 ədədini öz dəyərinə AHBAP-a satıb.

O deyir ki, bu bir rutin prosedurudur, davamlılığı və qabiliyyəti qorumaq üçün edilir. Alınan pulla çadır fabriklərinin xammala tələbatının ödənildiyini vurğulayır.

Fəlakət böyükdür. 11 əyalətdə dağıntılar var. Dağıntılar altından canlar xilas edilir. Təcili sığınacaq üçün çadıra ehtiyac var. Xalq viran qalıb.

Normal vaxtlarda bu cür əməliyyatlara “rutin” kimi baxmaq olar. Amma sözügedən vaxt normal vaxt deyil. Söhbət fəlakətin pik həddə çatdığı bir gündən gedir.

Belə bir gündə bütün çadır ehtiyatlarını təcili olaraq zəlzələ bölgəsinə göndərmək olmazmı? 2 min 50 çadır niyə saxlanılır? “Ölkədən kənar üçün çadır ehtiyatı” nə deməkdir?

Ölkə əsrin ən dəhşətli fəlakətini yaşayıb. Xaricdə idi, ehtiyat idi, hər nə idi, bunlara baxmadan bu ehtiyat dərhal zəlzələ bölgəsinə göndərilmir?

Anladığım qədəri ilə belə oldu:

“Mənə bir çadır verin, paylayacam” deyən xeyriyyə təşkilatının Qızıl Aypara tərəfindən əliboş göndərilməsini istəməyib. Xaric üçün hazırlanan 2 min 50 çadır ağla gəlib və birliyə verilib.

Belə bir gündə alış-verişə girməyə nə ad verək?

Bu gün adi ticarət üçün gün deyil axı.

 

Emin