Sənətsevərlərə təqdim olunan sərgi, rəssamın rəngarəng düşündürücü və fərqli yanaşmasının məhsulu eyni zamanda əhatəli yaradıcılıq hesabatı kimi qiymətləndirilib. Sərginin ekspozisiyasına daxil edilmiş 50-yə yaxın əsər müxtəlif mövzulara həsr olunub. Bu da onun rəssam kimi bir janr çərçivəsində qalmayıb, təxəyyülünü təsviri sənətin ifadə zənginliyini , özündə ehtiva edə biləcək digər janrlarında da gerçəkləşdirmək - dünyamızın , rənglərin saya gəlməz çalarında nə qədər gözəl və dəyişkən olduğunu tərənnnüm etmək istəyini əks etdirir.

Bütün yaradıcılığı boyu həyatda gördüklərini duyğu və düşüncələrində, təxəyyülündə canlandırdığı mövzuları, realizm ənənələrinə sadiq qalaraq rənglərdə ifadə edən istedadlı rəssam Rüstəm Məmmədov əslində həm də bununla dünyamızı gerçəkçi cizgi və rənglərlə ifadə etmək imkanlarının nəhayətsiz olduğunu, nümayiş etdirməyi bacarır.

Onun düşündürücü, məna-məzmunla zəngin olan tabloları ("Ömrün qürub çağı", "Səssizliyin harayı", "Kamanın Habil zirvəsi", "Yüksəliş", "Füzuli ömrü", "Səmazən", "Zəriflik" və s.), İmadəddin NəsimiŞ. Məhəmməd Füzuli, Əmir Teymur, Aşıq VeysəlHəsən bəy Zərdabi, Fəxrəddin Paşa kimi görkəmli şəxsiyyətləri əks etdirən protretləri, insanı duyğulandıran mənzərələri ("Qürub", "Şamaxıda yeddi günbəz məzarlığı","Gün batarkən", "Tənha ağac", "Bakı gecələri" və s.) eləcə də, müxtəlif təbii sərvət və nemətlərin gözəlliyini əyaniləşdirən, natürmortları sərginin qonaqları tərəfindən maraqla qarşılanıb.

Onu da qeyd edək ki, Rüstəm Məmmədov eyni zamanda Xəzər TV MMC-nin programlar departamentinin rəhbəridir.

Tədbirin sonunda Rüstəm Məmmədov qonaqlara öz münnətdarlığını bildirib.

Sənətsevərlər tərəfindən böyük maraq və sevgiylə qarşılanan sərgi iyunun 11-dək davam edəcək.