Londonun Qərb Şəriyədəki yəhudi yaşayış məntəqələrinə sanksiyalar tətbiq etmək qərarına cavab olaraq İsrail Qüdsdəki Britaniya konsulluğunu bağlayacaq.

Adalet.az xəbər verir ki, bunu İsrailin xarici işlər naziri Gideon Saar deyib.  

Bundan əvvəl Böyük Britaniyanın xarici işlər naziri Ed Miliband beynəlxalq hüquqa görə qanunsuz hesab edilən Qərb Şəriyədəki yəhudi yaşayış məntəqələri ilə ticarətin qadağan olunduğunu elan edib. O, Londonun yaşayış məntəqələrində fəaliyyət göstərən şirkətlərə qarşı tədbir görəcəyini və yaşayış məntəqələri ilə əlaqəli hər hansı mal və xidmətlərin reklamını qadağan edəcəyini vurğulayıb. Bununla belə, Miliband İsrailin özü ilə qanuni sərhədləri daxilində ticarətin məhdudlaşdırılmayacağını bildirib. 

Saarın sözlərinə görə, Böyük Britaniya Leyboristlər Partiyası hökuməti tərəfindən tətbiq edilən məhdudiyyətlər, qərəzli və birtərəfli İsrail əleyhinə ritorika ilə yanaşı, Britaniya yəhudilərinə qarşı antisemitik hücumların görünməmiş dərəcədə artmasına əhəmiyyətli dərəcədə töhfə verib. Saar qeyd edib ki, Londonun tədbirləri həmçinin oktyabrın sonunda keçiriləcək İsrail seçkilərinə müdaxilə təşkil edir.