İsrail Müdafiə Nazirliyi İran Hərbi Hava Qüvvələrinin yüksək səviyyəli rəhbərlərinin əksəriyyətinin yeraltı qərargahda keçirilən görüş zamanı öldürüldüyünü bildirib. 

Adalet.az xəbər verir ki, bu barədə "Haaretz" qəzeti yazıb. 

"İran Hərbi Hava Qüvvələrinin yüksək rəhbərliyinin əksəriyyəti yeraltı qərargahda keçirilən görüş zamanı məhv edilib", - məlumatda deyilir.

Qeyd olunur ki, bu barədə İsrailin müdafiə naziri İsrael Katz məlumat yayıb. 

İyunun 13-də İsrail SEPAH-ın Tehrandakı qərargahına və İranın nüvə proqramının əsas obyektlərinə zərbələr endirib. İslam İnqilabı Keşikçiləri Korpusunun komandiri Hüseyn Salami və bir neçə nüvə alimi həlak olub. İsrailin baş naziri Benyamin Netanyahu hücumun İranın nüvə infrastrukturunu hədəf aldığını təsdiqləyib.