"Bu gün mən indiyə qədər heç bir ölkəyə qarşı görülməyən ən dağıdıcı iqtisadi tədbiri elan edirəm" .

Adalet.az xəbər verir ki, bunu ABŞ prezidenti Donald Tramp özünün "Truth Social" səhifəsində yazıb.

"Heç kim İran İslam Respublikasına mənim qədər razılaşma əldə etmək üçün daha böyük fürsət verməyib. Təəssüf ki, onlar bundan yararlana bilmədilər. Buna görə də bu gün mən indiyə qədər heç bir ölkəyə qarşı görülməyən ən dağıdıcı iqtisadi tədbiri elan edirəm. Bu, misli görünməmiş miqyasda iqtisadi müharibə və təcrid olacaq", - deyə ABŞ lideri qeyd edib. 

Tramp xəbərdarlıq edib ki, İrana hər hansı bir şəkildə kömək edən istənilən ölkə böyük iqtisadi nəticələrlə üzləşəcək: "Onların donanması yoxa çıxıb, hava qüvvələri məhv edilib, hərbi fabrikləri artıq xarabalığa çevrilib, valyutaları dəyərsizləşib və ölkələri iflic vəziyyətindədir. Bu gün mən həmçinin bəyan edirəm ki, maliyyə qurumlarına, müəssisələrinə, hava limanlarına və ya dövlət qurumlarına İrana hər hansı bir xilasetmə xətti təmin etməyə icazə verən hər hansı bir ölkə böyük iqtisadi nəticələrlə üzləşəcək.

Bu, iqtisadi bir gün olacaq və biz bütün müttəfiqlərimizdən İran təhdidini təcrid etmək və məğlub etmək üçün Amerika Birləşmiş Ştatlarının yanında durmalarını tələb edirik. Bu dəlilər çıxılmaz vəziyyətdədirlər və bu tarixi tədbirlər onları və terrorizmi qlobal miqyasda yaymaq qabiliyyətlərini iflic edəcək. İran heç vaxt nüvə silahına sahib olmayacaq"./Unikal