İranın Ali Lideri Müctəba Xamenei təhlükəsizlik tədbirləri səbəbindən ictimaiyyət qarşısına çıxmır, lakin vəzifələrini yerinə yetirməyə davam edir.

Adalet.az xəbər verir ki, bunu Tehranın BMT-dəki daimi nümayəndəsi Əli Bəhreyni deyib. 

Bəhreyni bildirib ki, "Onun ictimaiyyətin diqqətindən kənarda qalmasının səbəbi mövcud xüsusi hallar fonunda təhlükəsizliklə bağlı narahatlıqlardır".

Xatırladaq ki, martın 19-da ABŞ Milli Kəşfiyyatının direktoru Tulsi Qabbard Nümayəndələr Palatasının Kəşfiyyat Komitəsinin dinləməsində ifadə verərək bildirib ki, Müctəba Xamenei İsrailin hava hücumunda ağır yaralanıb.

Mediada İslam Respublikasının Ali Liderinin yaralandıqdan sonra müalicə üçün Rusiyaya aparıldığı barədə  şayiələr də yayılıb. İranın Rusiyadakı səfiri Kazem Cəlali bu məlumatı təkzib edib.