İngiltərənin “Kristal Pelas” klubu baş məşqçisi Patrik Vieyra ilə yollarını ayırıb.

Premyer Liqa təmsilçisinin rəsmi saytında yer alan açıqlamada komandanın elitada qalması üçün dəyişikliyə ehtiyacının olduğu vurğulanıb. Bu səbəbdən məşqçi ilə yollar ayrılıb.

46 yaşlı fransalı mütəxəssis londonlulara 2021-ci ilin yayından başçılıq edirdi. Onun rəhbərliyi altında komanda 74 oyun keçirib, 22 qələbə qazanıb, 24 heç-heçə edib və 28 görüşdə məğlub olub.

Bu mövsüm “Kristal Pelas” Premyer Liqada 27 turdan sonra 27 xalla 12-ci pillədə qərarlaşıb və enmə zonasından cəmi üç xal yüksəkdədir. 11 oyundur qələbə qazana bilməyən komanda son üç matçda məğlub olub.