Deyirlər ki, hər səhər avtobuslar xəttə çıxmazdan öncə texniki baxışdan keçirilir və eləcə də sürücülər həkimlər tərəfindən müayinə olunur.

Əgər avtobusda texniki qüsur yaranarsa, yaxud da sürücünün səhhətində problem olarsa, onların fəaliyyətinə icazə verilmir. İmanımızı yandıra bilmərik “BakBus” və digər nümunəvi marşurtları istisna etməklə deyə bilərik ki, Bakıda heç də əksər marşurtlarda səhər saatlarında avtobusların texniki nasazlığı yetərincə yoxlanılmır. Və sürücülər də tibbi müayinədən keçirilmir. Bu, ən çox Bakı qəsəbələrində- Mərdəkan, Şüvəlan, Nardaran, Pirşağı, Novxanı, Hövsan və Yeni Günəşli istiqamətində hərəkət edən marşurtlarda qeydə alınır.

Məsələn, metronun “Neftçilər” stansiyasıdan Yeni Günəşliyə gedən 50 nömərli marşurtda texniki sazlıqdan və həkim müayinəsindən söhbət gedə bilməz.

Əksər marşurtlarda həkimlərin sürücüləri yoxlaması formal xarakter daşıyır. Həkim möhürün lazımı sənədlərə vurur və “ şirinliyini” alır. Yəni sürücü həkim tərəfindən müayinə edilmir. Belə də olanda bir avtous tez-tez texniki nasazlıq üzündən sıradan çıxır, ya da sürücü sükan arxasında özünü pis hiss edir.

Emil FAİQOĞLU