İki cüdoçumuz Qran-pri-nin qızıl medalını qazandı
Azərbaycan cüdoçuları Çində təşkil olunan Qran-pri turnirinə uğurlu start verib.
Adalet.az-ın məlumatına görə, ilk gündə tatami üzərinə çıxan 3 təmsilçimizdən ikisi turniri qalibiyyətlə başa vurub.
60 kq çəki dərəcəsində mübarizə aparan İlqar Müşkiyev 1/16 finalda bolqarıstanlı Gerçev, daha sonra rusiyalı Kulikov, 1/4 finalda isə komanda yoldaşı - özündən daha yüksək reytinqə malik Orxan Səfərovu üstələyərək, yarımfinala vəsiqə əldə edib. Bu mərhələdə Qazaxıstan təmsilçisini də məğlub edən 24 yaşlı cüdoçumuz finalda hollandiyalı Mureni "ippon" fəndinə salıb.
Orxan Səfərov isə təsəlliverici görüşdə Fransa cüdoçusuna uduzaraq 7-ci yerlə kifayətlənib.
66 kq çəkili Nicat Şıxəlizadə monqolustanlı Batgerel Battsetseq, almaniyalı Rene Şneyder və yaponiyalı Kenqo Takaçini üstələdikdən sonra finala vəsiqə qazanıb. 28 yaşlı təcrübəli cüdoçumuz finalda Battsetseqin həmyerlisi, Asiya Oyunlarının qalibi Tumurxuleq Davadorju "ippon"la məğlub etməklə, yığmamızın aktivinə ikinci qızıl medalı yazdırıb.
Qeyd edək ki, noyabrın 22-i başa çatacaq turnirdə daha 8 cüdoçumuz - Rüstəm Orucov (73 kq), Abdulhaqq Rəsullu, Hüseyn Rəhimli (hər ikisi 81 kq), Məmmədəli Mehdiyev, Ramin Qurbanov (hər ikisi 90 kq), Elxan Məmmədov, Elmar Qasımov (hər ikisi 100 kq) və gürcüstanlı legioner Uşanqi Kokauri (+100 kq) mübarizə aparacaq.
Sahib Əsədbəyli
Digər Xəbərlər
04 May 2024 13:37
Türkiyəli azarkeşlər İkardinin həyat yoldaşını təhqir etdilər
04 May 2024 10:29Azərbaycan Premyer Liqası: “Kəpəz” “Sumqayıt”a, “Qarabağ” “Neftçi”yə qarşı
03 May 2024 23:04UEFA-dan AVRO-2024 il bağlı mühüm dəyişiklik
03 May 2024 22:52Arda Güler komanda yoldaşlarından şikayətlənib - VİDEO
03 May 2024 22:06