"Nə isə yaddan çıxıb qalıb ki, biz indi “Tarix və mədəniyyət abidələrinin qorunması haqqında” qanuna dəyişiklik edirik? Yenidən nə isə əlavə etmək lazımdırsa, bu, açıqlanmalıdır.  Bu abidələr pasportlaşdırılırsa, onun sonrakı aqibəti nə olacaq?"

Adalet.az xəbər verir ki, bunu Milli Məclisin bu gün keçirilən iclasında deputat Səyyad Salahlı deyib.

Onun sözlərinə görə, abidələrin bir çoxu uçub-dağlır:

"Həmin abidələrin sarayından gündə bir kərpic düşür. Abidələrə ciddi nəzarət yoxdur".

Deputat qeyd edib ki, həmin abidələri hansısa iş adamlarına vermək olar ki, bərpa etsinlər və orada bir şey yaratsınlar:

"Bunun başqa yolu yoxdur. Məsələ qaldırırıqsa, bunun sonrakı halını da düşünməliyik. Abidələri pasportlaşdırdıq, hə, nə olsun?"

Milli Məclisin sədri Sahibə Qafarova isə deputatın sözlərinə münasibət bildirib:

"Bizim Azərbaycan hökümətinə nə olub ki, həmin abidələri bərpa üçün iş adamlarına verək?!"