Gömrük bəyannaməsində düzəlişlər edilməsinə icazə verildiyi halların sayı artırılıb

Gömrük orqanları tərəfindən malların buraxılışı həyata keçirildikdən sonra gömrük bəyannaməsində düzəlişlər edilməsinə və ya onun geri götürülməsinə icazə verildiyi hallar artırılıb.
Adalet.az-ın xəbərinə görə, Nazirlər Kabineti bununla bağlı “Gömrük sərhədindən keçirilən malların və nəqliyyat vasitələrinin bəyan edilməsi Qaydaları”nda dəyişiklik edib.
Beləliklə, bu hallar sırasına aşağıdakılar əlavə edilib:
- malların buraxılışı həyata keçirildikdən sonra 3 (üç) il müddətində bəyannaməçi malları müvafiq gömrük proseduru altında yerləşdirməsi ilə əlaqədar öhdəliklərini yerinə yetirməli olduqda;
- gömrük borcu üzrə ödənilmiş gömrük ödənişlərinin qaytarılması barədə gömrük orqanının qərarı olduqda;
- aparılmış gömrük auditi nəticəsində gömrük bəyannaməsində qeyd olunan məlumatlarda düzəliş edilməli olduqda;
- yuxarı gömrük orqanının və ya məhkəmənin qanuni qüvvəyə minmiş qərarı olduqda.
Gömrük auditi nəticəsində malların düzgün gömrük proseduru altında yerləşdirilməməsi müəyyən edildikdə gömrük bəyannaməsi malların buraxılışından sonra ləğv ediləcək.
Digər Xəbərlər

Bu avtobusların hərəkət sxemi dəyişdirilir

İlham Əliyevin beynəlxalq konfransın iştirakçılarına müraciəti BMT sənədi kimi yayılıb

İlham Əliyev bu şəxsləri təltif etdi - SİYAHI

Prezident DTX-nin saxladığı icra başçısını işdən çıxardı

Azərbaycanda dövlət qulluqçularının sayı açıqlandı

Süni torpaq sahələrində kazino oyunlarının təşkilinin hüquqi əsasları müəyyənləşir

Polis əməkdaşlarının sosial müdafiəsi gücləndirilir
