Niderland beynəlxalq kokain ticarətində əsas fiqur hesab edilən və illərdir istintaqdan gizlənən Jos Leijdekkersin tutulmasına səbəb olan məlumata görə rekord mükafat elan edib. 

Adalet.az xəbər verir ki, Afrikanın Syerra-Leone bölgəsində olduğu düşünülən Leijdekkers, onun siyasi dairələrlə əlaqələrinə dair iddialar ətrafında davam edən fərziyyələrin mövzusudur, həm Hollandiyada, həm də Belçikada aldığı ağır həbs cəzaları ilə yadda qalıb. 

Niderland hökuməti Avropanın ən çox axtarılan narkotik ticarətçilərindən biri olan Jos Leijdekkersin tutulmasına səbəb olan məlumata görə mükafatı 2 milyon avroya qədər artırıb. Niderland Prokurorluğunun 2 noyabr bazar ertəsi günü verdiyi açıqlamada bildirilir ki, beynəlxalq kokain ticarətində əsas oyunçu hesab edilən "Bolle Jos" (Fat Jos) kimi tanınan Leijdekkersin tutulması təhlükəsizlik qüvvələri üçün əsas prioritetdir.

Əvvəllər 200.000 avro olaraq təyin edilən mükafatın on qat artırıldığı və şübhəlinin tutulmasına səbəb olan məlumat verənlərin şəxsiyyətinin gizli saxlanılacağı açıqlanıb. Hollandiya hakimiyyəti 35 yaşlı Leijdekkersin Qərbi Afrika ölkəsi Syerra-Leonedə olduğuna düşünür. Jos Leijdekkers Avropada mütəşəkkil cinayətkarlıq və narkotik qaçaqmalçılığı ilə bağlı araşdırmalarda ən çox axtarılan şəxslərdən biridir. Rotterdam Məhkəməsi Leijdekkersə 2024-cü ildə təxminən 7000 kiloqram kokain daşınmasında, silahlı soyğunçuluqda və qətl sifarişində iştirak etdiklərinə görə qiyabi olaraq 24 il həbs cəzası verib. 

Belçikada keçirilən ayrı bir məhkəmə prosesində Leijdekkers 79 illik həbs cəzası alıb. Hollandiya hakimiyyəti qaçağın beynəlxalq narkotik qaçaqmalçılığından on milyonlarla avro qazandığını düşünür. 

Leijdekkersin Sierra Leonedə olması iddiaları, ölkədəki yüksək vəzifəli siyasi xadimlərlə birlikdə olduğunu göstərən foto və videoların ortaya çıxmasından sonra diqqət çəkib. Sierra Leone prezidenti Julius Maada Bionun həyat yoldaşı Fatima Bio tərəfindən sosial mediada paylaşılan şəkillərdə, prezidentin qatıldığı dini mərasimdə Leijdekkersə bənzəyən bir şəxs təsvir edilib. Bu görüntülər  narkotik qaçaqmalçısının ölkədəki siyasi dairələrlə əlaqələrinin ola biləcəyi ilə bağlı fərziyyələri gücləndirir. Həmçinin, Leijdekkersin Prezident Bionun qızı ilə yaxın əlaqələri olduğu iddia edilir. 

Lakin təkcə foto və videolar siyasi qoruma iddialarını təsdiqləmir. Hollandiya hakimiyyəti, Leijdekkersin Sierra Leonedə 2024-cü ilin ortalarından bəri mövcudluğundan xəbərdar olduqlarını bildirib. Prokurorluq onun tutulması üçün beynəlxalq əməkdaşlığın davam etdiyini açıqlayıb. Leijdekkersin harada olduğu və ya səyahət planları və beləliklə, onun tutulmasına səbəb olan məlumat verən hər kəsə mükafat təklif ediləcəyi bildirildi.Səlahiyyətlilər məlumat verənlərin şəxsiyyətlərinin və paylaşdıqları məlumatların Sierra Leone hakimiyyəti də daxil olmaqla üçüncü tərəflərlə paylaşılmayacağını açıqlayıblar. 

Leijdekkersin adı 2019-cu ildə Amsterdamda yoxa çıxan Naima Cillalin taleyi ilə bağlı istintaqda da hallanır. Avropolun məlumatına görə, Cillal Amsterdamda nəqliyyat vasitəsinə mindikdən sonra yoxa çıxıb. İstintaq zamanı ələ keçirilən şifrələnmiş mesajlarda Cillalin yoxa çıxmasında Leijdekkersin əhəmiyyətli rol oynadığını göstərən dəlillər olduğu bildirilir. Marengo istintaqı zamanı ələ keçirilən telefonda Cillala məxsus olduğu güman edilən fotoşəkillər tapılıb. Bu görüntülərə əsasən, Avropol Cillalin işgəncəyə məruz qalıb öldüyü ehtimalını nəzərdən keçirir. Lakin Cillalin ölümü və Leijdekkersin hadisədəki rolu ilə bağlı iddialar ayrıca istintaqın bir hissəsi kimi nəzərdən keçirilir.

Vasif ƏLİHÜSEYN