27 Fevral 2023 12:21
1156
MƏMLƏKƏT

“Əxlaqsızlıq tüğyan edir, şəhərdə kafelər, otellər əxlaqsız qızların əlindədir...”- Hüquq müdafiəçisi

“Qadınlara qarşı zorlanma və işgəncə yazılarını biz də tez-tez mətbuatdan oxuyuruq. Mən təklif edirəm ki, bu cür cinayətləri törədən şəxslər ömürlük azadlıqdan məhrum edilsin. Əgər sərt cəza tədbiri görülməsə, bu başqalarına dərs olmayacaq”

Bunu Adalet.az-a açıqlamasında hüquq müdafiəçisi, Dilarə Əliyeva adına Azərbaycan Qadın Hüquqları Müdafiə Cəmiyyətinin sədri Novella Cəfəroğlu deyib. N.Cəfəroğlu bu istiqamətdə cəmiyyətdə ciddi problemlərin olduğunu bildirib:

“Bununla yanaşı, bu cür cinayətlərin qarşısını almaq üçün təbii ki, kompleks tədbirlər görülməlidir. Biz özümüz də rayonlara gedirik, insanlarla görüşürük, onlarla bu mövzularda söhbət edirik. Cəmiyyət çox vəhşiləşib. Axı gözümüzün önündə yaxşı heç nə yoxdur. Elə bil ki, bütün dəyərlərimiz itib. Şəhərdə kafelər, otellər əxlaqsız qızların əlindədir. Bir sözlə, özbaşınalıqdır. Azərbaycanda əxlaqsızlıq tüğyan edir və bunu efirlərimizdə də təbliğ edirlər. Ona görə də nəticədə bu cür arzuolunmaz hallar baş verir”. 

Vasif Əlihüseyn