adalet.az header logo
  • Bakı 7°C
  • USD 1.7
29 Noyabr 2022 20:55
205
GÜNDƏM

Ermənistanın "qalib" olmasını istəyən "silahlı" Hindistanla SİYASİ MƏSLƏHƏTLƏŞMƏ

Bir neçə gün əvvəl Hindistanın "Print" internet qəzetində maraqlı bir məlumat yayılmışdı. Nəşr yazırdı ki, Hindistan Ermənistan Silahlı Qüvvələrini gücləndirmək və tarixi ədalətsizliyi Ermənistanın İkinci Qarabağ müharibəsində məğlubiyyətini aradan qaldırmaq istəyir:

“Bu məsələdə İrəvana silah göndərməklə kifayətlənməmək, mümkün qədər çox səy göstərmək Hindistanın maraqlarına uyğundur. Hindistan Ermənistan silahlı qüvvələrinin hazırlığını təmin etməlidir. O, həmçinin Ankara, Bakı və İslamabada Hindistanın regionun təhlükəsizliyinin təmin edilməsində ciddi maraqlı olduğunu nümayiş etdirmək üçün İrəvana yüksək səviyyəli nümayəndə heyəti göndərə bilər”.


Bu, əlbəttə çox təhlükəli bir yanaşma və ideya idi.


Adalet.az 1lurer.am-a istinadən xəbər verir ki, yeni Dehlidə Azərbaycan Xarici İşlər Nazirliyi ilə Hindistan Xarici İşlər Nazirliyi arasında 5-ci ikitərəfli siyasi məsləhətləşmələr keçirilib.
Hindistan nümayəndə heyətini Xarici İşlər Nazirliyinin Qərb üzrə Katibi Sancay Verma, Azərbaycan nümayəndə heyətini isə xarici işlər nazirinin müavini Elnur Məmmədov rəhbərlik edib.
Siyasi məsləhətləşmələr zamanı iki ölkə arasında ikitərəfli və çoxtərəfli münasibətlərin hazırkı vəziyyəti, hökumətlərarası komissiyanın işi, siyasi, iqtisadi, ticarət, mədəniyyət, təhsil və s. istiqamətlər üzrə, habelə BMT və Qoşulmama Hərəkatı çərçivəsində əməkdaşlığın perspektivləri müzakirə edilib.
Hindistan Xarici İşlər Nazirliyinin məlumatına görə, Hindistan və Azərbaycan əməkdaşlığı, xüsusilə ticarət və enerji sahəsində uğurla inkişaf edir. "Azərbaycan Hindistan üçün mühüm xam neft tədarükçüsüdür", - deyə qeyd edilib.

Qeyd edək ki, Ermənistan son vaxtlar Hindistandan hərbi texnika tədarük edir. Təkcə sentyabr ayında Hindistan Ermənistana 270 milyon dollar məblğində (“Pinaka” reaktiv yaylım atəş sistemləri) silah və hərbi texnika satıb. Noyabr ayında yayılan məlumatlarda isə Hindistan Ermənistana öz istehsalı olan 155 mm-lik “ATAGS” adlı haubitsa tədarük edəcəyi deyilir. Hindistan tarixində belə artilleriya sistemlərinin ilk ixracıdır.
Məlumata görə, müqavilənin məbləği 150 milyon dollardır, əməliyyat üç il ərzində həyata keçiriləcək.
Vurğulanıb ki, “ATAGS” artilleriya qurğuları 48 km-lik hədəfi vura bilir. Bundan başqa, 80 mm-lik artilleriya qurğularının, boş mərmilərin və “Akaş” zenit-raket kompleksinin alınmasına dair müzakirə aparıldığı da qeyd olunub.
Bir neçə gün öncə A.Qriqoryan Hindistanda səfərdə olub və hərbi-siyasi əməkdaşlığı müzakirə edib.

 Əntiqə Rəşid