Əməkdar artist Rəhman Rəhmanovun oğlu müğənni Emil Rəhmanov dünyasını dəyişib.

Adalet.az xəbər verir ki, bu barədə aktyorun özü açıqlamasında məlumat verib.

Rəhmanovun sözlərinə görə, övladı bir neçə saat öncə vəfat edib.

“Emil bir saat əvvəl M.A.Topçubaşov adına Elmi Cərrahiyyə Mərkəzində vəfat edib. O, damar tıxanması səbəbindən dünyasını dəyişib".

Qeyd edək ki, aktyorun oğlu 2008-ci ildə soyğunçuluq etməkdə təqsirləndirilərək həbs olunub. Emil Rəhmanov 6 il azadlıqdan məhrum edilmişdi. E.Rəhmanov 2014-cü ildə ailə həyatı qurub.