Xumarlanır kol dibində bənövşə
Yaşıllıqlar göz oxşayıb - can alır!
Bürünəndə çay kənarı gülüşə -
Qayaları, daşları da canlanır...

Quşlu dərə, Gilaslı bağ, Baş bulaq
Sağdan, soldan axıb gedən dağ çayı...
Çiçəklikdə məst olub dəsgah quraq -
Seyr eyləyək, gözəlliyi havayı...

Tarixinə şahid olan hər daşın,
Qarşısında həm susaq, həm danışaq...
Təzələyək yurdun qaçqın yaddaşın -
Tuğ kəndinin sabahına qarışaq!