Bakı 22°C 
Əbülfət Mədətoğlundan yeni şeir: GÖZÜNDƏN
Yanaşı üzsək də qəmdə
Görünə bilmədik cəmdə...
Sözüm yaddaşından, həm də -
Köçəcək nota gözündən...
Ruhumun için də ağart
Nə varsa topala, yığ , at!
Şəklimi səssizcə çıxart -
At onu oda , gözündən!
Ürəyimi yaraladın
Bilə - bilə paraladın...
Sən ümidi qaraladın -
Tay düşdü o da gözündən!
İlik donduran sazaqda
Əbülfət adlı yazıq da
Dönsün , dünyaca uzaqda -
Ağaca, ota gözündə,,,
