Sükut caynağında bağrı yarılmış

Göz yaşı - kədərə . demə yarımış!

Bu anlar mən ruham - sənə sarılmış -

Duydunmu , hərarət var köynəyimdə...

Nə bulud toqquşub, nə şimşək çaxıb

Göy üzü boyunca bir kədər axıb!

Tala ləpələnib - lalələr yağıb -

Qalıbdı qan rəngli qar, köynəyimdə!..

Gör necə qəm didir oxsuz yayımı

Ağaca , ya quşa çatdır hayımı!..

Bayatı üstündə vida payımı -

Köklənib gözləyir, tar, köynəyində...