(Qardaşım Sabirlə  cümə  axşamı  dərdləşməsi...)

Gəldim,  qarşıma   çıxmadın        
İlk dəfə  etdin sən  belə...            
Öpüb ,  əlimi  sıxmadın -              
Səbəbin  bilmirəm  hələ...

Yay  günü  şaxta  hiss etdim           
Dondu  damarda  qanım da...  
Həyətində  hara  getdim -               
Səni  görmədim  yanımda!

Yad  gəldi  mənə  ev, eşik            
Hətta  işığı, odu da...                       
Ürəyim  boş  qalmış beşik -      
Qaçıb  ağzımın  dadı da!..

Küləkmi  silib, süpürüb            
Yağışmı  yuyub   izini?          
Fani  dünyaya     tüpürüb -                   
Səssiz  qatladın  dizini...

Gözlərim  yuyur  şəklini,                   
Dilim  danışdıra  bilmir...     
Sənin  belə  köç  etməni -            
Ağlım, anışdıra  bilmir!

...Gəlmişəm, kimə  nə  deyim 
Hamının  başı  aşağı...                   
Məndən keçib, niyə aldın-                
Allahım, sən  bu  uşağı ?!