Dünyanın ən balaca raketi kosmasa buraxılıb
Yaponiya Kosmik Agentliyi (JAXA) dünyanın ən balaca raket daşıyıcısını fəzaya buraxıb.
Trend-in məlumatına görə, Utinoura kosmodromundan buraxılan raket daşıyıcının uzunluğu 9,5 metr, diametri 52 santimetr təşkil edir.
Bildirilir ki, raket daşıyıcının çəkisi isə 2,6 tondur. Raket fəzaya 3 kiloqram çəkisi olan eksperimental geoloji kəşfiyyat və rabitə peykini çıxaracaq.
Qeyd edək ki, raketin buraxılışı bu il yanvarın 15-i nəzərdə tutulsa da, bu cəhd uğursuz alınmışdı.