23 Sentyabr 2022 08:58
309
SAĞLAMLIQ

Dünyada meymunçiçəyinə yoluxanların sayı 62 mini ötüb

Yanvar ayından bəri dünyada meymunçiçəyinə yoluxanların sayı 62 mini keçib, 23 nəfər ölüb.

Bunu Ümumdünya Səhiyyə Təşkilatının (ÜST) baş direktoru Tedros Adhanom Qebreyesus cümə axşamı Cenevrədə keçirdiyi brifinqdə bildirib.

Təşkilat rəhbərinin sözlərinə görə, həftəlik qeydə alınan halların sayı azalır ki, bu da ümidləndirici tendensiyadır.

Qebreyesus dünya ictimaiyyətini meymunçiçəyi ilə mübarizəni effektivliyini sübuta yetirən vasitələrlə davam etdirməyə çağırıb.

Qeyd edək ki, çərşənbə günü dərc olunani məlumat cədvəlinə əsasən, sentyabrın 12-dən 18-dək dünyada 3794 yeni meymunçiçəyi halı qeydə alınıb ki, bu da əvvəlki yeddi günlə müqayisədə 22% azalma deməkdir. Ötən həftə ən böyük azalma Avropa regionunda (mənfi 81%) və Amerikada (mənfi 42%) qeydə alınıb.