ABŞ prezidenti Donald Tramp bildirib ki, Tehran və Vaşinqton arasında atəşkəs vacibdir, çünki İran artıq bərpa prosesinə başlaya biləcək.
 
Adalet.az xəbər verir ki, Amerika lideri bu barədə "Truth Social" sosial şəbəkəsindəki səhifəsində yazıb. 

Onun sözlərinə görə, Yaxın Şərq dövlətləri qızıl dövrün astanasındadır. O, Tehranın və beynəlxalq birliyin digər üzvlərinin daimi münaqişələrdən bezdiyini və səmimi olaraq sabitləşmə arzuladığını vurğulayıb.

Tramp regionun tezliklə genişmiqyaslı iqtisadi inkişafa və rifaha səbəb olacaq bir çox müsbət dəyişikliklər yaşayacağına əminliyini ifadə edib. 

"Dünya Sülhü üçün böyük bir gün... İran bərpa prosesinə başlaya bilər... bu, Yaxın Şərqin qızıl dövrü ola bilər!".