06 Mart 2023 11:49
1154
MƏMLƏKƏT

Dumanlı hava

Dumanlı havada avtomobilləri idarə etmək çox çətindir. Ötən həftə ölkə ərazisində dumanlı hava çox oldu. Özü də kəskin duman. Hətta Bakı şəraitində dumanlı havada bir neçə yol-nəqliyyat hadisəsi baş verdi.

Baş Dövlət Yol Polisi İdarəsinin ictimaiyyətlə əlaqələr şöbəsinin inspektoru, polis kapitanı Toğrul Nəsirli bildirir ki, dumanlı havada bütün sürücülər diqqətli olmalı, meteroloji şəraitə uyğun sürət həddi seçməli, duman üçün istifadə olunan işıq sistemlərini işə salmalı və ara məsafəsi saxlamalıdırlar. Eyni zamanda, digər hərəkət iştirakçısı olan piyadalar da belə sıx dumanda yeraltı və yerüstü keçidlərdən, piyada zolaqlarından istifadə etməlidir. Çünki mürəkkəb hava şəraitində qaydalara əməl etmək həm sürücüləri, həm də piyadaları mövcud təhlükədən xilas edir. Ona görə də, bütün hərəkət iştirakçıları yol hərəkəti qaydalarına əməl etməlidirlər.