DİN əməliyyat keçirdi: Biri qadın olmaqla iki nəfər həbs edildi - FOTO

Şabran Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyat keçirilib.
Daxili İşlər Nazirliyinin Mətbuat Xidmətinin Quba regional qrupundan Adalet.az-a verilən məlumata görə, keçirilən əməliyyat-axtarış tədbirləri nəticəsində narkotik vasitələrin əldə etməsi, saxlaması, daşımasında və satmasında şübhəli bilinən rayon sakini Cəfər Tarverdiyev və Bakı şəhər sakini Nəzrin Hüseynova saxlanılıblar. Həmin şəxslərin üzərlərinə və C.Tarverdiyevə məxsus avtomobilə baxış keçirilən zaman külli miqdarda narkotik vasitə olan heroin, eləcə də “patı”, “şüşə” adlandırılan psixotrop maddə metamfetamin, marixuana, bir ədəd elektron tərəzi və bir ədəd süngü-bıçaq aşkar olunaraq götürülüb.
Bundan əlavə, araşdırmalar zamanı C.Tarverdiyevin qonşuluğunda olan və faktiki yaşayış olmayan evin həyətyanı sahəsində çətənə (kannabis) bitkiləri əkib-yetişdirdiyi məlum olub.
Faktla bağlı Şabran RPŞ-də cinayət işi başlanılıb, məhkəmənin qərarı ilə həmin şəxslər barəsində həbs qətimkan tədbiri seçilib.
Digər Xəbərlər

Vardanyanın məhkəməsində zərərçəkmiş şəxslərin ifadələri dinlənildi

DİN vətəndaşların məlumatlarını kiberbunkerlərə ötürən şəxsi ifşa etdi

3 tondan artıq çətənə bitkisi məhv edildi

Sumqayıtda 36 yaşlı qadın bıçaqlanıb

Hamilə qadının ölməsi ilə bağlı cinayət işi məhkəməyə göndərildi

Bakıda iki evdən 11 min manat oğurlandı

"Dırnaqlarımı çıxardılar, barmaqlarımı sındırdılar" - Xocalı soyqırımında zərərçəkən
