Deputatlar da bugünkü finaldan DANIŞDILAR: “Allaha yalvarıram ki...”
Bu gün Bakıda UEFA Avropa Liqasının final oyunu keçiriləcək.
Bakı Olimpiya Stadionunda qitənin ikinci dərəcəli klub turnirinin finalı ingilis komandalarının dueli olacaq.
Belə ki, həlledici qarşılaşmada "Çelsi" və "Arsenal" üz-üzə gələcəklər.
"Çelsi" - "Arsenal" oyunu Bakı vaxtı ilə saat 23:00-da başlayacaq.
Milli Məclisin deputatları Azərbaycanın ev sahibliyi edəcəyi bugünkü oyunla bağli fikirləriniModern.az-la bölüşüblər.
Milli Məclisin komitə sədri Eldar İbrahimovxaricdə olsa da, oyunla bağlı yüksək düşüncədə olduğunu deyib:
"Neçə vaxtdır ki, "Çelsi" - "Arsenal" oyunu barədə hamı danışır. Belə bir oyuna ev sahibliyi etdiyimizə görə çox çox sevincliyəm. Futbol təkcə oyun deyil, həm də fərqli insanları bir araya gətirməyi bacarır. Belə bir yarışına Bakının ev sahibliyi etməsi əlamətdar hadisədir. Bu, təkcə idman bayramı deyil, eyni zamanda Azərbaycanın, Bakının dünyada tanınması deməkdir. Bütün dünyanın nəzərlərinin Bakıya yönəlməsindən qürur duymamaq olmur”.
Milli Məclisin deputatı Aqil Abbas"Çelsi" - "Arsenal" oyununu evdən izləyəcəyini bildirib:
"Finalın Bakıya salınmasını yüksək qiymətləndirirəm. Bu, Azərbaycanda keçiriləcək ilk beynəlxalq tədbir deyil. Bundan əvvəl I Avropa Oyunları, IV İslam Oyunları və digər yarışlar keçirilib.
Azərbaycanın ictimai-siyasi asayişi nəzərə alındığına görə Avropanın bu cür oyunlarda ölkəmizi seçməsində qeyri-adi nəsə yoxdur. Axşam keçiriləcək futbol yarışını ekran qarşısından izləyəcəm. Hansı komandaya azarkeşlik edəcəyimə gəlincə dəfələrlə belə bir söz işlətmişəm: harda bir türk oynayırsa, həmin kluba azarkeşlik edərəm. Həmişə türklərin daha çox qol vurduğunu istəmişəm. "Çelsi" - "Arsenal" oyununa gəlincə, "Arsenal”ı hər zaman üstün tutmuşam. Allaha yalvarıram ki, axşamkı oyunda "Arsenal”ın oyunçusu Məsut Özül bir top vursun”.
Deputatı Cavanşir Paşazadəəcnəbi futbol azarkeşlərinin Bakıda keçirilən oyundan ən xoş təəssüratlarla qayıdacaqlarına əminliyini vurğulayıb:
"Dünyanın nəhəng idman oyunları dəfərlərlə ölkəmizdə keçirilib. Dünya ölkələri də bilir ki, Azərbaycanda keçirilən oyunlar necə möhtəşəm olub. "Çelsi" - "Arsenal" oyununun Bakıda keçirilməsinin müsbət tərəfləri daha çoxdur. Bir neçə gündür ölkəmizə təşrif buyuran turistləri müşahidə edirəm. Dövlətimizlə, tariximizlə dərindən maraqlanırlar. Ona görə də bu cür oyunların keçirilməsinin ancaq üstün tərəfləri ola bilər. Axşam dünyanın dörd bir tərəfində yaşayan insanlar futbol həyəcanını Bakıdan izləyəcəklər. Futbol oyununun Bakıda keçirilməsi çox yaxşı haldır. Axşamkı oyunu səbirsizliklə gözləyirəm. Sevə-sevə izləyəcəm”.
Digər Xəbərlər
27 Aprel 2024 21:10
"Hər gün mülki əhalimiz Ermənistanın yerləşdirdiyi mina ilə üzləşir" - Hikmət Hacıyev
26 Aprel 2024 21:53İlham Əliyevin Almaniyaya səfəri başa çatdı - FOTOLAR
26 Aprel 2024 20:40Azərbaycan və Almaniya liderlərinin Berlində birgə mətbuat konfransı olub - YENİLƏNİB + VİDEO
26 Aprel 2024 20:30Prezidentlərin geniş tərkibdə görüşü keçirilib - YENİLƏNİB
26 Aprel 2024 19:41