Dələduzluqda təqsirləndirilən iki nəfər Özbəkistana təhvil verilib

Azərbaycan dələduzluqda təqsirləndirilən iki nəfəri Özbəkistana ekstradisiya edib.
Bu barədə Adalet.az-a Baş Prokurorluğun Mətbuat xidmətindən məlumat verilib.
Bildirilib ki, 1992-ci il təvəllüdlü Ukrayna vətəndaşı Kaldarar Arsen Vasilyeviçin və 1980-ci il təvəllüdlü Özbəkistan Respublikasının vətəndaşı Kayumov Abduraxmon Abduvaliyeviçin cinayət məsuliyyətinə cəlb edilməsi üçün verilməsinə dair Özbəkistan Baş Prokurorluğunun vəsatətləri Azərbaycan Baş Prokurorluğu tərəfindən təmin edilib.
Özbəkistanda dələduzluq əməllərinin törədilməsində təqsirləndirilərək dövlətlərarası axtarışa elan edilmiş A.V.Kaldarar və A.A.Kayumov 2024-cü ilin fevral ayında Azərbaycanda müəyyən edilərək saxlanılıb, barələrində həbs qətimkan tədbiri seçilib.
"Mülki, ailə və cinayət işləri üzrə hüquqi yardım və hüquqi münasibətlər haqqında” 07.10.2002-ci il tarixli Konvensiyaya əsasən təqsirləndirilən şəxslərin ekstradisiyası haqqında qərarlar qəbul edilərək, onlar Ədliyyə Nazirliyinin Penitensiar Xidmətinin xüsusi konvoyun müşayiəti ilə Özbəkistanın səlahiyyətli orqanlarına təhvil verilib.
Digər Xəbərlər

Tanınmış həkimlər məhkəmədə ifadə verdilər

Vəkil olmaq istəyənlərin nəzərinə: Bu tarixdə imtahan verəcəksiniz

Məhkəmə üç tiktokerlə bağlı QƏRAR VERDİ

Hacı Vəliyevin həbs müddəti uzadıldı

"Məqsədim milli proqram yaratmaq idi" - DTX-nin həbs etdiyi haker

Orduxan Bəbirov Baş Prokurorluğa çağırıldı

Əvəz Zeynallı bu tarixdə azadlığa buraxıla bilər
