"Ermənistan və Azərbaycan rəhbərlərinin qərargahları arasında əldə olunmuş razılaşma sülh müqaviləsinin imzalanması istiqamətində çox mühüm müsbət addımdır. Bu bəyanat ikitərəfli danışıqların nəticəsidir və heç bir vasitəçi iştirak etməyib".

Adalet.az xəbər verir ki, bu barədə Təhlükəsizlik Şurasının katibi Armen Qriqoryan İctimai Televiziyanın “Petros Qazaryanla müsahibə” proqramının stendində bildirib.

“Bu, problemlərin həllində irəliləmək istəyinin olduğunu göstərən addım idi. Problemləri həll etmək üçün ən böyük şans sülh müqaviləsidir. Təbii ki, bu, bir qədər çətin görünür, lakin biz hətta dekabrın sonuna qədər saziş imzalamağa hazırıq, amma nəticə verməsə, tezliklə sülh sazişi imzalayacağıq”, - deyə Qriqoryan bildirib.

O, Ermənistanın sülh sazişinin yekunlaşdırılması və imzalanması üçün bütün formatlardan istifadə etməyə hazır olduğunu vurğulayıb.