Bu barədə hidrometeoroloqlar məlumat verirlər. Əgər onların dedikləri düz çıxsa, iyul ayının 25-26- da Bakıda və ölkə ərazisində havanın temperaturu müsbət 39- 40 dərəcəyə , bəzi yerlərdə isə 41 dərəcəyə çatacaq.

Bəs belə isti hava şəraitində insanlar nə etməlidir ki, çətin vəziyyətlə üzləşməsinlər! Həkim- kardioloq Natiq Şükürov deyir ki, belə kəskin istilərdə hər bir insan diqqətli olmalıdır. Yəni günün altında çox dayanmamalı, günəş şüasından qorunmalı, kölkə yerlərdə olmaq lazımdır. Havalar çox isti keçəndə heç şübhəsiz ki, insanlar həddindən artıq tərləyirlər. Əlbəttə, belə durumda çoxlu maye qəbul eləmək lazımdır.

Ürəyi xəstə olanlar, şəkərli diabetdən əziyyət çəkənlər səhhətlərinə qarşı daha diqqətli olmalıdırlar.Çünki bir balaca günəş altında olmaq təzyiqin və şəkərin qalxmasına gətirib çıxara bilər! Bununsa axırı heç də həmin xəstələr üçün yaxşı sonluqla bitmir. Bununla yanaşı, günvurma zamanı həmin insanı kölgəyə çəkmək, həkim briqadası gələnə qədər  ilkin yardım göstərilməlidir! Bir sözlə, dəhşətli istilərdən özünüzü qoruyun!!!

Emil FAİQOĞLU