Michael Jackson Fondunun ulduz tərəfindən istismara məruz qaldığını iddia edən beş nəfərə cəmi 2,5 milyon dollar ödədiyi iddia edilir.

Adalet.az xəbər verir ki, “Financial Times” qəzetinin əldə etdiyi çeklər və sənədlər göstərir ki, bu ödəniş 2020-ci ildə bağlanmış 16,5 milyon dollarlıq məxfi razılaşma müqaviləsinin son hissəsidir.

İddialar Ceksonun ölümündən sonra onun əmlakını idarə edən vəkil Con Branka və musiqi icraçısı Con Makkleynin nüfuzunu qorumaq səylərinə böyük zərbə vurmaq potensialına malikdir.

Zorakılıq iddiaları Ceksonun uzun müddət yaxın dostları olan Cascio ailəsi tərəfindən irəli sürülüb. Beş ailə üzvü iddia edir ki, sənətçi onları uşaqlıqdan başlayaraq illərlə manipulyasiya edərək  istismar edib.

Los-Anceles Ali Məhkəməsi iddialara 6 noyabrda keçiriləcək prosesdə baxacaq. Cascio qardaşları müqaviləni təzyiq altında imzaladıqlarını, şərtləri tam başa düşmədiklərini və daha çox kompensasiya almaq hüququna malik olduqlarını iddia edirlər.  
Maykl Cekson Fondu isə bütün ittihamları rədd edir. 2025-ci ilin yayında fond sənətçinin keçmiş meneceri Frank Kassiona qarşı şantaj iddiası qaldıraraq mübahisənin məxfi arbitraj yolu ilə həll edilməsini tələb edib. 

Fond 2020-ci ildə imzalanmış razılaşmanın qüvvədə olduğunu və bu razılaşma üzrə bütün mübahisələrin şəxsi məhkəmə yolu ilə həll edilməli olduğunu iddia edir.

Lakin Kassionun ailəsi Kaliforniya qanunlarının cinsi təcavüz işlərində məxfilik müqavilələrini etibarsız hesab etdiyini bildirərək, razılaşmanın hüquqi cəhətdən etibarsız olduğunu iddia edir.

Ailə həmçinin iddia edir ki, fond onların travmasından sui-istifadə edib və onları hüquqi məsləhət almaqdan çəkindirib.
Tərəflər bir ildən çoxdur ki, bağlı qapılar arxasında danışıqlar aparırlar.

Vasif ƏLİHÜSEYN