Adam var o qədər yemək yeyir ki, hərəkət edə bilmir. Çoxlu yemək yemək və hərəkət etməmək isə insanlarda kökəlməklə yanaşı, müxtəlif xəstəliklər də yaradır. Əgər kimsə çoxlu qida qəbul edirsə və sonra da uzanıb yatırsa, belə adamlar özlərinə qəsd edirlər. İlk növbədə arıqlamağa çalışırlar, ya da cərrah yanına gedib mədəkiçiltmə əməliyyatı elətdirirlər. Bunun üçün isə insanlar xeyli pul xərcləməlidir.

Amma dietoloqlar həmin məsələlərin həllinin çox kəsə yolunu bildirirlər. Onlar deyirlər ki, birincisi hər yeməkdən qədərində qidalanmaq lazımdı. Əgər bunu bacarmırsınızsa, o yeməklərdən çox yox, az-az yeyilsə, daha yaxşı olar. Üstəlik də pəhriz xörəklərinin istifadəsi kökəlmənin qarşısını ala bilər. Ən yaxşı optimal vasitə isə idman etmək, təmiz havada gəzmək və artıq çəkini bu yolla özündən atmaq mümkündür. Çünki artıq çəkinin atılması həm də sizin sağlamlığınız deməkdir.

Emil FAİQOĞLU