Ceyhun Bayramov Özbəkistan Prezidenti ilə görüşdü - YENİLƏNİB

Xarici işlər naziri Ceyhun Bayramov Özbəkistan Respublikasına işgüzar səfəri çərçivəsində Prezident Şavkat Mirziyoyev tərəfindən qəbul edilib.
Xarici İşlər Nazirliyindən Adalet.az-a bildirilib ki, görüş zamanı nazir Ceyhun Bayramov tarixi, mədəni və dini ortaqlıqları bölüşdüyümüz qardaş Özbəkistan Respublikası ilə ölkəmiz arasında formalaşmış strateji tərəfdaşlıq münasibətlərinin nümunəvi xarakterə malik olduğunu bildirib.
Ölkələrimiz arasında siyasi, iqtisadi, ticarət, nəqliyyat və kommunikasiyalar, mədəniyyət, humanitar və digər sahələr üzrə çoxşaxəli münasibətlərin məzmunca zənginləşməsinin məmnunluq doğurduğunu vurğulayıb.
Regional və beynəlxalq təşkilatlar, xüsusilə ölkəmiz üçün prioritet istiqamətlərdən birini təşkil edən Türk Dövlətləri Təşkilatı çərçivəsində qarşılıqlı dəstək və həmrəyliyə əsaslanan əməkdaşlığın genişləndirilməsinin zəruriliyi qeyd olunub.
Cari ildə ölkəmizin BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyi edəcəyi, bu istiqamətdə birgə tədbirlərin həyata keçirilməsində əməkdaşlığa hazır olduğumuz diqqətə çatdırılıb.
Görüşdə, həmçinin iki ölkə arasında mövcud ikitərəfli və çoxtərəfli əməkdaşlıq gündəliyində duran digər məsələlər, habelə postmünaqişə dövründə regional vəziyyət müzakirə olunub.a
***
Özbəkistan Prezidenti Şavkat Mirziyoyev Azərbaycanın xarici işlər naziri Ceyhun Bayramovu qəbul edib.
Adalet.az xəbər verir ki, tərəflər Özbəkistanla Azərbaycan arasında strateji tərəfdaşlıq və çoxşaxəli əməkdaşlığın daha da genişləndirilməsi perspektivlərini müzakirə ediblər.
Digər Xəbərlər

İlham Əliyev yeni səfirlərin etimadnaməsini qəbul etdi - YENİLƏNİB - FOTOLAR

Səfir: Türkiyədəki zəlzələ zamanı Azərbaycanın göstərdiyi dəstək heç vaxt unudulmayacaq

Könül Nurullayeva: "Azərbaycanla münasibətlərin inkişafı Somalinin suverenliyinin qorunmasında da mühüm rol oynayır"

Prezidentdən Qarabağ və Şərqi Zəngəzurla bağlı AÇIQLAMA

Azərbaycan Ermənistandan tam təzminat tələb edir - Sənədlər Haaqa məhkəməsinə göndərildi

Ceyhun Bayramov Almaniyaya getdi

İlham Əliyevlə Paşinyan Münhendə GÖRÜŞƏ BİLƏR
