Azərbaycan Qol Güləşi Federasiyası 2025-ci il 3-4 may tarixlərində "İronmaxx Azərbaycan"ın təşkilatçılığı ilə Ulu Öndər Heydər Əliyevin anadan olmasının 102-ci ildönümünə həsr olunmuş Qol güləşi üzrə Ölkə çempionatı yarışını keçirdi.

Adalet.az xəbər verir ki, tədbir çərçivəsində iştirakçılar geniş tərkibli heyətlə Fəxri Xiyabanda Ümummilli Lider Heydər Əliyevin məzarını ziyarət etdilər.

İki gün davam edən çempionat paralimpiyaçılar, qızlar və beynəlxalq federasiyanın qaydalarına uyğun olaraq uşaqlar, yeniyetmələr, gənclər və böyüklər arasında 45 kiloqramdan başlayan çəki dərəcələrində iki qolda keçirildi.Yarışda ölkəmizin bütün şəhər və rayonlarından gəlmiş 350-dən artıq idmançı öz güclərini sınadılar.