"Bu mövsüm üç titul qazanmışam, daha nə etməliyəm?!" - Ronaldo
"Portuqaliya millisi Avropa çempionu olduğumuz 2016-cı ildən bu yanayaxşı çıxış edir. İndi isə Millətlər Liqasının qalibi olduq. Yığmada oynamaqdan həzz alıram. Milli komanda ilə titul qazanmaq çox vacibdir".
Qol.az-ın "AS" nəşrinə istinadən yaydığı xəbərə görə, bu sözləri Portuqaliya millisinin kapitanı Kriştianu Ronaldo deyib. UEFA Millətlər Liqasındakı zəfəri şər edən 34 yaşlı superulduz qazanılan uğurda azarkeşlərin dəstəyini xüsusi vurğulayıb:
"Hər şey möhtəşəm idi. Azarkeşlər Hollandiya ilə matçda mənə və komandaya çox kömək etdi. Oyundan öncə hər hansı hədəfim yox idi. Çünki özümü yaxşı hiss edirəm. Mən gənclərə, onlar isə mənə kömək etməyə çalışır. Bu, ideal birlikdir".
Jurnalistlərin "Özünüzü "Qızıl top" mükafatına layiq sayırsınızmı" sualına isə Ronaldo bu cür cavab verib: "Bu mövsüm 3 titul qazanmışam, həmişəki kimi hər şey qaydasındadır. Elə bir mövsüm olmayıb ki, pis oynayım. Bu dəfəki də istisna deyil. Son 16 ilin statistikası hər şeyi deyir. Daha nə etməliyəm?! "Qızıl top" məsələsinə gəlincə, buna layiq olub-olmadığımı mən yox, işimə qiymət verənlər deyə bilərlər".
Qeyd edək ki, dünən Millətlər Liqasının A divizionun qrup qalibləri arasında keçirilən "Dördlər finalı"nın həlledici oyununda Hollandiya millisinə 1:0 hesabı ilə qalib gələn Portuqaliya seçməsi ilk dəfə təşkil olunan turnirdə çempion olub.
Digər Xəbərlər
03 May 2024 11:10
Messi aprel ayının ən yaxşı futbolçusu seçildi
03 May 2024 09:57Maradonanın övladları futbolçunun qalıqlarının köçürülməsini istəyiblər
01 May 2024 15:38Çempionlar Liqasında qaydalar: “Real Madrid” Arda Güleri başqa klublara transfer edə bilməyəcək?
30 Aprel 2024 19:22Azərbaycan millisi Rumıniya ilə üz-üzə
30 Aprel 2024 15:37