Bu gün metro gücləndirilmiş iş rejimində işləyəcək

Bu gün “Qarabağ” Futbol Klubunun UEFA Avropa Liqası turniri çərçivəsində Tofiq Bəhramov adına Respublika stadionunda keçirəcəyi oyunla əlaqədar Bakı metropolitenində iş rejimi dəyişdiriləcək.
Adalet.az Bakı Metropoliteni” QSC-yə istinadla xəbər verir ki, matçın keçiriləcəyi stadiona yaxın ərazidə yerləşən “Gənclik” stansiyası gücləndirilmiş iş rejimində fəaliyyət göstərəcək. Saat 20:45-də başlanacaq oyuna tamaşaçı marağı, həmçinin sərnişinlərin təhlükəsiz və rahat daşınması nəzərə alınaraq bir sıra əlavə tədbirlər görüləcək.
Bakı metrosunun kütləvi tədbirlərlə əlaqədar əməliyyat planına uyğun olaraq, “Gənclik” stansiyasında nəzarət mexanizmləri gücləndiriləcək və növbətçilik cədvəli tərtib olunacaq. Stansiyada sərnişinlərin yönləndirilməsi, səmti daha rahat müəyyən etməsi məqsədilə əlavə işçi qüvvəsi ayrılacaq.
“Nərimanov” və “28 May” stansiyalarında da ehtiyat tədbirlər nəzərdə tutulacaq.
Zərurət yaranacağı təqdirdə, ehtiyat qatarlar xəttə buraxılmaq üçün hazır vəziyyətdə olacaq.
Ümumən qatarlar gün ərzində payız-qış qrafikinin iş günləri cədvəlinə uyğun hərəkət edəcək.
Görüş yekunlaşdıqdan sonra da qatarların hərəkəti məhz “Gənclik” stansiyasının iş rejimi nəzərə alınmaqla xüsusi qaydada tənzimlənəcək.
Digər Xəbərlər

Polis moped və motosiklet sürücülərini maarifləndirdi - VİDEO + FOTOLAR

Prezidentin Xanyurdu kəndinə səfərindən VİDEO

Ağalı kəndinə qayıdışın 3-cü ildönümü qeyd olunub

TİKA-dan görmə məhdudiyyətli Qarabağ qaziləri üçün “ağıllı ağac” dəstəyi - FOTOLAR

"Daha heç kim bizi bu yerlərdən çıxara bilməz" - İlham Əliyev

Prezident Xocalının Təzəbinə kəndində görülən işlərlə tanış olub - FOTOLAR

Prezident Qiyaslı kəndindəki tarixi məscidin binasının açılışında iştirak edib
