"Rusiya Yaxın Şərqdə, xüsusən də İran ətrafında baş verən hazırkı hadisələrdən narahatdır". 

Adalet.az xəbər verir ki, bunu Rusiyanın xarici işlər naziri Sergey Lavrov deyib.

Diplomat xatırladıb ki, İran Rusiyanın yaxın tərəfdaşı və qonşusudur: "Əlbəttə ki, hadisələrin hazırda necə inkişaf etdiyinə biganə deyilik.

Rusiya özünü ABŞ, İran və İsraillə müttəfiq olmağa məcbur etmir, lakin Yaxın Şərqdəki vəziyyətin necə inkişaf edəcəyindən narahatdır. 

Biz hazırda özümüzü İsrail, İran və ya ABŞ-yə vasitəçi kimi təqdim etmirik. Onlarla təmaslarımızda sadəcə vəziyyəti müzakirə edirik".

Onun sözlərinə görə, ABŞ ilə İran arasında münasibətlərin pisləşməsi təkcə Tehran üçün deyil, bütün region üçün potensial olaraq təhlükəli ola bilər.