Britaniya Belarusa qarşı sanksiyaları genişləndirir

Böyük Britaniya hökuməti Belarusa qarşı bəzi malların idxal və ixracını məhdudlaşdıran yeni sanksiyalar paketi tətbiq edib.
Bu barədə krallığın Xarici İşlər Nazirliyinin bəyanatında bildirilib.
“Yeni sanksiyalar paketi Ukraynanın ərazi bütövlüyünə məhəl qoymayaraq Rusiyanın hərbi əməliyyatlarına fəal töhfə verən Prezident Aleksandr Lukaşenko və onun rejiminə iqtisadi təzyiqi artırır”, - deyə Britaniyanın xarici işlər naziri Ceyms Kleverli qeyd edib.
Sanksiyalar siyahısının yenilənmiş variantı hələ dərc edilməsə də, tətbiq edilən sanksiyalar Belarusdan qızıl, oduncaq, kauçuk və sement idxalına qadağa qoyur. Həmçinin Belarusa sənaye avadanlıqlarının, əsginasların, kimyəvi və bioloji silahların yaradılması üçün istifadə oluna biləcək malların tədarükünə də məhdudiyyətlər tətbiq ediləcək.
Digər Xəbərlər

"Bu, bizə qarşı düşmənçilikdir" - Peskov

"Qarabağda erməni qalmayacaq" - Paşinyan

Bəşəriyyətin tamamilə bu tarixdə yox olacaq

Türkiyəli professor İstanbul zəlzələsi ilə bağlı: “800 mindən çox insanın həyatı təhlükə altında qala bilər”

Hava limanının yaxınlığında GÜCLÜ PARTLAYIŞ

Günahsız olduğu öyrənilən adam 28 il sonra azad edildi - FOTO

Vardanyan Laçında saxlanıldı, Bakıya gətirildi - YENİLƏNİB
