İndi hansı mağazaya, dükana gedirsən, orda qara çörəyin olduğunu görürsən. Sevinə-sevinə o çörəyi alırsan, gətirib evdə yeyəndə görürsən ki, çörəkdən çox başqa dad verir. Yəni çörəyin qara olması üçün tərkibinə müxtəlif kimyəvi maddələr, boyalar və rənglər qatılır. Aydındır ki, qara çörəkdən ən çox diabet, ürək-damar xəstəliklərindən əziyyət çəkən insanlar istifadə edirlər. Onlar bu çörəkdən istifadə edirlər ki, xəstəlikləri güclənməsin. Amma qeyri-standart yolla bişirilən və tərkibinə müxtəlif kimyəvi maddələr qatılan bu qara çörəklər həmin xəstə insanların vəziyyətini bir qədər də ağırlaşdırır.

Bəs onda Qida Təhlükəsizliyi Agentliyi nə üçün yaradılıb? Onlar araşdırmanı aparmalıdılar ki, hansı sahibkar və istehsalat sahəsi standartlara cavab verən qara çörək istehsal edir. Daha doğrusu, bir növü həmin qurum çörək istehsal edən sahibkarı məsuliyyətə cəlb etməlidir ki, onlar keyftyyətli qara çörək istehsal etsinlər və əhali keyfiyyətsiz çörəkdən narazılıq eləməsin.

Emil FAİQOĞLU