Baş Prokurorluğun əməkdaşı beynəlxalq tədbirdə
Tbilisidə Avropa İttifaqının TAİEX texniki yardım aləti çərçivəsində Gürcüstanın Daxili İşlər Nazirliyi Akademiyasının təşəbbüsü ilə "Cinayətkarlığın qarşısının alınmasında psixoloji dəyərləndirmənin rolu” mövzusunda seminar keçirilib.
Azərbaycan respublikası Baş Prokurorluğunun mətbuat xidmətindən Adalet.az-a verilən məlumata görə, Böyük Britaniya, Norveç, İsveç və digər ölkələrin ekspertlərinin qatıldığı tədbirdə Gürcüstanın Daxili İşlər Nazirliyi Akademiyasının rektoru, Avropa İttifaqının Gürcüstandakı nümayəndəsi və digər şəxslər ətraflı çıxış edib, həmin ölkələrdən olan mütəxəssislərin tədqiqatlarının nəticələri təqdim edilib.
Seminar çərçivəsində psixoloqların Gürcüstanın hüquq mühafizə sistemindəki rolu, qəsdən adam öldürmə cinayəti törətmiş şəxslərin psixi xüsusiyyətləri və tətbiq olunan preventiv tədbirlər, azyaşlıların cinayət törətməsinə təsir edən psixi və sosial amillər geniş müzakirə olunub.
Tədbirdə iştirak edən Azərbaycan Respublikası Baş Prokurorluğunun Beynəlxalq əlaqələr idarəsinin prokuroru Kamran Həsənov "Azyaşlıların cinayət törətməsinə təsir edən psixi və sosial amillər” mövzusunda çıxış edərək, Azərbaycan Respublikasının qanunvericiliyində azyaşlıların ibtidai istintaq və məhkəmə baxışı zamanı hüquqlarının etibarlı şəkildə qorunmasını təmin edən normaların olmasını, ölkəmizdə yuvenal ədliyyənin inkişafının diqqət mərkəzində saxlanıldığını və bu sahədə beynəlxalq əməkdaşlığa önəm verildiyini xüsusi vurğulayıb.
Seminar iştirakçıları Gürcüstan Daxili İşlər Nazirliyinin Akademiyasının tədris prosesi ilə yaxından tanış olublar.
Digər Xəbərlər
28 Aprel 2024 21:01
Abid Şərifov oğlunun ölümündən danışdı: "Belimi qırdı" - VİDEO
28 Aprel 2024 15:42Müdafiə Nazirliyi həftəlik icmalını təqdim etdi - VİDEO
28 Aprel 2024 12:14Səhiyyə Nazirliyinin rəhbərliyi akademik Zərifə Əliyevanın xatirəsini yad edib - FOTOLAR
28 Aprel 2024 11:04Cümhuriyyəti yıxan, işğala rəvac verən BOLŞEVİK NÖKƏRLƏRİ
28 Aprel 2024 10:01