Bu gün Azərbaycan Mətbuat Şurası İdarə Heyətinin iclası keçirilib.

Adalet.az-ın məlumatına görə, iclasda Mətbuat Şurasına yeni üzvlərin qəbulu ilə bağlı müraciətlərə baxılıb.

Mətbuat Şurasının sədri Rəşad Məcid deyib ki, Şuraya üzv olmaq niyyətini bildirən çoxsaylı media orqanları var və onların seçimində digər prinsiplərlə yanaşı, Media Reyestrində qeydiyyata alınma da başlıca şərt kimi götürülür.

Müzakirələrdən sonra “Bakivaxtı.az”, “Valyuta.az”, “Fanat.az”, “Dogru.az” saytları və “Füyuzat” dərgisi Mətbuat Şurasının üzvlüyünə qəbul ediliblər.

Bildirilib ki, İdarə Heyətinin növbəti iclaslarında namizəd media qurumlarının da üzvlük müraciətlərinə baxılacaq.