13 Sentyabr 2022 14:43
650
KRİMİNAL

Bakıda nənəsinin bank hesabından oğurluq edən yeniyetmə saxlanılıb

Binəqədi rayonunda yeniyetmənin nənəsinin bank hesabından oğurluq etdiyi məlum olub.

Bu barədə Daxili İşlər Nazirliyinin Mətbuat Xidməti məlumat yayıb.

Bildirilib ki, Rayon Polis İdarəsinin 6-cı Polis Bölməsinə Biləcəri qəsəbə sakini olan bir qadının bank hesabından 1110 manatının oğurlanması barədə müraciət daxil olub.

Bakı Şəhər Baş Polis İdarəsinin Cinayət Axtarışı İdarəsi əməkdaşlarının keçirdikləri əməliyyat-axtarış tədbirləri nəticəsində qadının oğurluğu törətməkdə şübhəli bilinən 14 yaşlı nəvəsi müəyyən olunaraq saxlanılıb.

Araşdırma aparılır.