“Azerçay” markası tərəfindən təşkil edilən “Doğma çayınızdan qazandıran lotereya”nın ikinci tirajının Siyəzən rayonu və Bakıdan olan qaliblərinə hədiyyələri təqdim olunub. Qalib kuponların sahibləri olan Siyəzən rayon sakinləri Samir Rzazadə və Elçin İsgəndərova Nissan X-Trail avtomobilləri çatdırılıb. Qazandıqları hədiyyələrə görə sevinclərini paylaşan qaliblər, şirkətə təşəkkürlərini bildiriblər.

Şirkət əməkdaşları “Azerçay”-ın şanslı lotereyasında avtomobillərdən əlavə çoxlu sayda mobil avadanlıqlar və məişət texnikaları qazanan qalib kuponların sahiblərinə də hədiyyələrini təqdim etməyə başlayıblar.

Qeyd edək ki, 15 oktyabr 2021 – 31 yanvar 2022 tarixləri arasında keçiriləcək stimullaşdırıcı lotereyada “Azerçay”ın 250 və 450 qramlıq “Buket”, “Klassik”, “Pekoe” və yeni çeşid “Gül Bağçası” məhsullarını alaraq möhtəşəm hədiyyələr qazana bilərsiniz. “İlin qazananı sən ol” lotereyasında iştirak etmək isə çox asandır. Bunun üçün qeyd olunan məhsulların qutularının qapağının altındakı şifrəni ad, soyad və yaşayış yeri ilə birlikdə Azercell və Bakcell nömrələrindən 8825-ə göndərmək və nəticələr elan olunana qədər qutunu saxlamaq lazımdır. Xatırladaq ki, stimullaşdırıcı lotoreyanın üçüncü tirajı 1 fevral tarixində “Azad Azərbaycan” telekanalında saat 19:00-da keçiriləcək. Lotereyanın nəticələri canlı yayımda, mətbu orqanlarda, sosial media platformalarında və dogmacay.az saytında elan ediləcək.