"Ermənistanla Azərbaycan arasında əldə olunan bir sıra razılaşmalar, eləcə də Azərbaycanla ABŞ arasında imzalanmış saziş region üçün çox müsbət imic yaradıb".

Adalet.az xəbər verir ki, bunu "TGRT Haber" telekanalına müsahibəsində Türkiyənin xarici işlər naziri Hakan Fidan deyib.

Onun sözlərinə görə, Azərbaycan tərəfi Vaşinqtonda keçirilən görüş və razılaşmalarla bağlı Türkiyə tərəfi ilə məsləhətləşmələr aparıb: "Hazırda "Zəngəzur dəhlizi" ilə bağlı konkret heç nə yoxdur. Tərəflər nə baş verəcəyini, vəziyyətin necə inkişaf edəcəyini müzakirə edəcəklər. Bizim mövqeyimiz etimada əsaslanır. Biz azərbaycanlı qardaşlarımıza güvənirik".

O, Paşinyanın bu məsələ ilə bağlı mövqeyini də yüksək qiymətləndirib.